Intel ја објави новата верзија на својот Graphics Installer за Linux кој сега е достапен и за Ubuntu 13.04. За тие што не се запознаени, ова е прилично нова алатка која Intel ја имаат развиено за да овозможи полесно инсталирање на своите хардверски драјвери на GNU/Linux дистрибуциите, односно на Ubuntu и Fedora.
Инсталерот ги вклучува датотеките од објавата 2013Q1, а поддржува Haswell, OpenGL ES 3.0 и голем дел од новите OpenGL екстензии. Покрај тоа, со новата верзија повеќе не е поддржано Ubuntu 12.04. Овој инсталер кој го развиваат од технолошкиот центар за отворен код во Intel, ги надградува само драјверите кои се постари од последниот квартал или не се вклучени во самата дистрибуција.
Intel Linux Graphics Installer-от може да се преземете од овде, а од Intel препорачуваат внимателно да ги прочитате забелешките на страницата за преземање. Исто така, доколку имате прашања, на располагање ви е форумот за поддршка.
