Гери Ковач, извршниот директор на Mozilla, смета дека Google и Apple оставиле доволно простор за нов мобилен оперативен систем. Иинтересно, тој воопшто не го гледа Windows Phone како конкурентна платформа.
„Не е можам да разберам како 3,4,5 или 6 милијарди луѓе ќе си ги задоволат различните потреби со само една или две компании, без разлика колку добри се тие компании… Како индиски фармер и адвокат од Њујорк имаат исти потреби?“, се дел од прашањата кои ги постави г.Ковач во одбрана на идејата за Firefox OS паметни телефони.
Mozilla веќе има неколку производители со кои имаат договори за соработка. Тоа се LG, Huawei, ZTE, Alcatel, Geeksphone, и можеби Sony, јавува CNET. Планот е првите Firefox OS телефони да се појават во 2014 година, а меѓу првите земји кои ќе ги добијат овие уреди ќе бидат Србија и Црна Гора.
Проблем со кој што можеби ќе се соочат, e што дотогаш и Windows Phone, покрај iOS и Android, ќе има значителен број на апликации, а предност ќе имаaт и Ubuntu Phone OS-телефоните. Олеснителна околност за Mozilla ќе биде што новниот оперативен систем е веб базиран па нема да мора да изработуваат апликации буквално за се. Можеби токму затоа Mozilla ќе го промени нефицијалното мото на Apple од „There is app for that“ во „There is web for that“.
„Голем број од апликациите само ги препакуваат податоците од мрежата. Ова е мрежата ние само ја правиме мобилна, заедно со 10 милиони развивачи кои веќе работат на неа.“, изјави г.Ковач на Mobile World Congress.
