Samsung го направи Android еден од водечките играчи на пазарот на паметни телефони и ја прекина доминацијата на Apple, при тоа оставајќи ги останатите произведувачи на Android паметни телефони далеку зад себе. Во моментов корисниците бараат да купат Samsung телефон, a не Android.
Samsung продава околу 40 отсто од Android софтверот, за што водечките луѓе на Google се загрижени, пишува Wall Street Journal. Jужнокорејскиот производител станува преголем, и се плашат да не ја искористи својата моќ и да ги потисне сервисите, содржината и рекламите што ги нуди Google, и на нивно место Samsung да користат свои продукти.
Овде вреди да се напомени и дека Samsung е водач на пазарот за Chromebook и број 1 продавач на Amazon.com. Па, токму поради ова, со цел да развиваат сопствен хардвер, Google ја купија Motorola. Така, во случај доколку Samsung се одлучи да премине на некој друг оперативен систем (Tizen, Firefox, …) Google ќе може брзо да го возвратат ударот.
И токму сега, Motorola заедно со засенатите произведувачи на Android паметни телефони, би требало да поработат да ја намалат бариерата што ја поставија од Samsung. HTC од неодамна започна со маркетинг кампања, Sony заврши со реструктирирањето и се очекува да се врати со квалитетни производи како Xperia Z и Z таблетот, забележува весникот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
