За само еден месец, стотина илјади посетители го посетија онлајн Mузејот на злонамерен софтвер. На „изложените“ вируси им се отстранети можностите за уништување, но графиката и пораките се оставени, па може да видите што гледале корисниците додека вирусите им ги уништувале податоците, или уште полошо хардверот на компјутерот. Колекцијата е дело на безбедносниот експерт Мико Хипонен, а вирусите се од раниот период на компјутерите, од 1980 до 1990 година.
„Одбирав единствено сликовити и интересни вируси“, вели г. Хипонен. Неговиот омилен вирус од колекцијата е Casino, кој откако ќе им ги избришеше податоците на корисниците, им даваше една можност да победат во казиното и да ги добијат податоците назад. Изложбата е потсетник на едно друго време кога вирусите ги правеа индивидуални хакери, а не криминални групи и иако предизвикуваа штета, беа малку поинвентивни.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
