Нема кој не слушнал за феноменалната пукачка игра во прво лице – Doom. Во раните деведесетти години, Doom беше играта поради која се закажуваа гости кај ретките среќници кои имаа компјутер.
MiniDoom 2 е игра која ќе проба да ја разбуди таквата носталгичност, но од целосно нова димензија. Имено, ако оригиналната игра беше FPS, ова е игра која ја играте како платформер. Се работи за феноменална забава која зрачи низ секое ниво и нуди интересни оружја и непријатели за масакрирање. Искуството ќе биде особено ценето од ретро фанатиците кои нема да можат, а да не ја ценат одличната ретро графика, како и препознатливите звуци.
Секако, не мора да сте ја играле оригиналната Doom за да уживате во оваа игра. Играта може да се игра на Windows или macOS.
