Пред околу 7 години во сообраќајна несреќа животот го загуби Никола Поповски Ниџо. Неговите пријатели организираат меморијален, хуманитарен гејминг турнир во негова чест. Средствата што ќе се соберат од турнирот ќе одат како помош за лица со епилепсија.
„Затоа што неговата сестричка страда од епилепсија сакаме турнирот да биде и од хуманитарен карактер и средствата што ќе се донират, процент од пијалаците и сè што ќе остане од од учеството откако ќе биде покриена организацијата, ќе ги донираме на девојчето. Доколку се соберат повеќе средства, може да се помогне и на некој друг на кој навистина му е потребна помош“, вели организаторот Бошко Чичаковски.
Натпреварите ќе бидат во Call of Duty 2. Турнирот ќе биде одржан на 1 јули во Press Cafe во Аеродром. Иако има и награди и натпреварувачки карактер, сепак главната цел на турнирот е хуманитарна, и секако потсетување на Никола Поповски.
Можат да учествуваат тимови составени од пет играчи, но поради големиот интерес орагнизаторите овозможија и соло пријавување за турнирот. Цената за учество на турнирот е 400 денари. За пријавување остануваат уште 2 дена, а сите заинтресирани можат подобро да се информираат на facebook-страницата на организаторот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
