Во следните пет години IBM во соработка со Холандскиот институт за радио астрономија ќе работи на дизајнирање на „супер компјутер“ кој ќе се користи за анализирање на податоците кои ќе ги генерира SKA. SKA (square kilometer array) е супер модерен радио телескоп кој се уште е во изработка, а се очекува да биде завршен до 2024 година.
Според IBM компјутерот кој треба да го развијат треба да биде милион пати побрз од денешните десктоп компјутери и сто пати побрз од најбрзите денешни супер компјутери, а бројот на операции во секунда ќе се движи во ексафлопи!
Се очекува астрономските податоци кој дневно ќе ги обработува „екса компјутерот“ да бидат повеќе од податоците кои днево се пренесуваат преку целиот интернет, а во најдобар случај во ASTRON очекуваат да бидат двапати поголеми.
За да ги задоволи потребите на проектот IBM ќе ги искористи сопствените експериментални технологии помеѓу кои 3D-полупроводниците и терабитните оптички чипови.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
