Следната генерација на Samsung Galaxy телефоните пристигна. Јужнокорејскиот гигант на World Mobile Congress во Барселона го претстави Samsung Galaxy S5, заедно со папметните Galaxy Gear часовник и Galaxy Fit алката. Новиот телефон наликува на исполирана верзија на Galaxy S4, и доаѓа со Android 4.4.2 оперативен систем и куп новитети.
Тоа што е ново во S5 е биометрискиот сензор за отклучување на телефонот кој по iPhone сега го гледаме и на Galaxy. Освен отклучување на телефонот скенирањето на отпечатокот овозможува пристап до приватни податоци и слики на телефонтот, а можно е нагодување за „kid mode“ во зависност од отпечатокот. Можеби најголема предност читачот на отпечатоци е соработката со Pay Pal и можноста да се авторизира онлајн исплата. Индексот на заштита на телефонот е IP67, односно заштитен од навлегување на прашина и водоотпорен на длабочина од 15 cm до 1m.
Новата верзија традиционално е поголема од претходникот, иако овој пат ова речиси не може да се забележи бидејќи S5 доаѓа со 5,1-инчен Super AMOLED 1080р дисплеј, а првото што се забележува е подобрата изработка на пластиката за разлика од сите претходни модели, која сега е изработена по примерот на Nexus 7. Процесорот на Galaxy S5 е 2,5 GHz Snapdragon 800, а доаѓа со 2 GB RAM и 16 или 32 GB простор. Телефонот доаѓа со задна камера со 16МР и предна 2.1 МР камера. Samsung во овој модел додаде автоматски HDR, а за разлика од конкуренцијата опцијата ќе функционира и при снимање на видео. Камерата доаѓа и со Selective Focus кој овозможува рефокусирање на фотографијата и по фотографирањето. Samsung е еден од ретките производители кои сè уште користи батерии кои може да се променат, батеријата на S5 e 2800 mAh и овозможува 390 часови мирување или 21 час во разговор.
Се чини дека сите производители се одлучени своите уреди да ги понудат како фитнес додаток, а и Samsung не се разликува од останатите. Телефонот доаѓа со монитор на работа на срцето и подобрена S Health апликација од Samsung. Апликацијата одлично ќе ги гористи предностите на Gear часовниците и Gear Fit паметната алка и ќе им дава совети на корисниците додека вежбаат. Покрај апликациите од Samsung, телефонот се разбира доаѓа и со куп апликации од Google.
Samsung Galaxy S5 доаѓа во април, а оние кои го посакуваат за него ќе треба да издвојат 800 евра.
[youtube]oqPtA4hxpK4[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
it.com.mk konecno se razbudi od zimski son posle 5 dena… telefonot, sto bi rekle, veke e vo prodavnicite tie enos pisuvaat deka izleze, pa kapak na se i kritikuvaat demek nisto novo.
Не, телефонот беше претставен пред два дена, и не, не е уште појавен во продавниците. #l2troll