Нов рекорд на Huawei е веројатно најдобрата илустрација за „зависноста“ на Huawei од дел пазарите, на пример Северна Америка или Австралија. Компанијата објави дека го надмина претходниот рекорд од 151 милион продадени телефони со 200 милиони продадени паметни телефони.
Продажбата се должи најмногу на Huawei P20, Huawei Honor 10 и Huawei Mate 20 уредите, вели CNET. Пред само 9 години во 2010 година, Huawei продаваше 3 милиони уреди годишно. Благодарение најмногу на растот во Кина и Европа, уште на половина на годината кога Huawei го презема второто место се гледаше дека ќе успеат да направат нов рекорд во продажбата. Компанијата во второто тримесечје на 2018 година имаше 40% поголема продажба во однос на претходната година. На крајот на јули Huawei го презема второто место од Apple според бројот на продадени телефони.
Ова доаѓа по советите на властите во САД до своите граѓани да не купуваат производи од Huawei. Над 500 милиони корисници од 170 држави ги користат уредите на Huawei. Што се однесува до моделите, компанијата продала 16 милиони P20 телефони и 5 милиони Mate 20. Телефонот од средната класа, Huawei Nova 4 е продаден во над 65 милиони примероци.
„На глобалниот пазар Huawei порасна од статистичка грешка, до еден од Топ 3 играчите на пазарот“, велат од компанијата.
Иако продажбата на паметни телефони е добра за диверзитетот на компанијата, традиционално Huawei најмногу заработува од телекомуникациската инфраструктура. Во овој дел компанијата секако ќе има проблеми со забрани за користење на опремата во неколку држави. Најнов на листата е British Telecom кој ја исклучи опремата од Huawei од комуникациската опрема која ја развива за итните служби, полиција, пожарна и слично. Претходно BT го замени Huawei и во својата 3G и 4G мрежа. Станува збор за проект вреден 2,3 милијарди фунти. Промената веројатно ќе го забави проектот, иако од компанијата велат дека терминот за реализација останува 2020 година. Засега нема објаснување за причините кои доведоа за промената.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] post Huawei со рекордна про… appeared first on […]