Amazon тврди дека 99% од прегледите напишани за производите кои ги продаваат се легитимни и доаѓаат од купувачи. Сепак оваа бројка е многу пониска, покажува истражувањето кое го направи Washington Post.
Лажните прегледи започнуваат од Facebook. Продавачите бараат купувачи и потоа со финансиска компензација дополнително ги мотивираат да напишат позитивен преглед.
Кога електроника е во прашање најфалсификувани се прегледите за Bluetooth звучници и бежични слушалки. Првите се со 58,2% проблематични прегледи, а вторите 50,7%. Ова се податоци според ReviewMeta, веб-страницата не тврди дали прегледите се лажни, туку само дека се проблематични.
Истите резултати ги потврдува и анализа на друг сервис, Fakespot. Според нивната анализа најфалсификувани производи од електроника се:
- безжични слушалки
- навлаки за телефони
- паметни часовници
- кабли за полнење
- додатоци од трети производители како (Fitbit, Gpro, Garmin)
„Денес е многу тешко да продадете нешто на Amazon ако се натпреварувате фер. Ако сакате вашиот производ да биде компетитивен мора некако да произведете прегледи“.
Секако електроника не е единствениот сектор каде се јавува овој проблем. Проблемот постои во сите сектори, од облека до додатоци за исхрана и витамини. Најголем е проблемот со додатоците за исхрани кај кои 64% од прегледите се фабрикувани.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
