WhatsApp е една од популарните мобилни апликации за разменување на пораки низ која секојдневно поминуваат околу 17 милијарди пораки. Во моментот WhatsApp е бесплатна, но тоа ќе се промени наскоро и апликацијата ќе чини 1 долар/годишно.
За разлика од останатите апликации кои се наплаќаат по 0,99 долари засекогаш, претплатата на WhatsApp ќе биде на годишно ниво, и со тоа да ги зголеми приходите на компанијата и да биде на исто ниво со Android, Blackberry и Windows Phone корисниците кои мора да плаќаат по 1 долар за да го користат овој сервис.
Сепак, старите корисници ќе може да продолжат бесплатно да ја користат WhatsApp, и оваа промена ќе важи само за новите корисници. Исто така, не е познат датумот од кога ќе започне наплаќањето за користење на WhatsApp.
