{mosimage}Новиот продукт на Холивуд – Hulu.com кој овозможува бесплатно прегледување на видеа, епизоди и филмови онлајн со кратки прекини за реклами наскоро ќе им овозможи пристап до своите содржини на интернет корисниците ширум светот, за разлика од сегашниот пристап кој е ограничен само на посетителите од САД.
Неофицијално деновиве на интернет се шират гласини дека првите интернационални верзии ќе бидат за Канада и Австралија и дека веднаш потоа ќе следат верзии за европските земји.
Од компанијата сеуште не ги потврдуваат (но не ги ниту негираат) гласините но напоменуваат дека Hulu.com има големи интереси за овозможување на пристап на сите интернет корисници во светот и дека работат на плановите како ќе биде изведено сето тоа. Од Hulu.com напоменуваат дека засега разните закони за авторски права и индустриска сопственост се главна пречка.
За оние нестрпливите кои сакаат да уживаат во видео содржините на Hulu.com, ABC.com и други сервиси кои се достапни засега само за корисниците во САД, обидете се со користење на Virtual Private Networks – VPN, како на пример HotSpot Shield.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
