Добри вести за сите љубители на виртуелната реалност. Новиот уред на HTC, Vive Pro има дата на излегување и цена.
Уредот е прилично скап. Без никакви додатоци, само за очилата купувачот ќе треба да плати 800 долари. Во оваа цена не влегуваат контролерите и сензорите за следење. Цената можеби е и очекувана со оглед на тоа дека Vive Pro сепак е надградба на постоечкиот модел.
Добра вест е дека цената на сегашната верзија ќе се намали за 100 долари или HTC Vive ќе чини 500 долари. Дополнително, HTC продолжува да го произведува и овој уред како поевтина верзија.
HTC Vive Pro доаѓа со 2 екрани со резолуција 1400 х 1600, постарата верзија e 1080 х 1200. Освен ова, има и подобрувања со слушалки кои сега се вградени, но можеби најважно е дека новиот модел е ергономски, па со тоа и поудобен за подолготрајно користење.
Првите уреди започнуваат со испорака на 5 април.
За жал, уредот официјално не е достапен за продажба во Македонија. Дополнително, и сегашните верзии на уредите за виртуелна реалност се тешки за наоѓање, и се прескапи.
