Следејќи го трендот кој сам си го постави лани со првиот One, тајванскиот производител повторно го смали својот нов телефон од висока класа HTC One M8. Дизајнот на мини верзијата, освен што е помала во димензии со 4,5 инчен 720p екран, не се разликува многу од поголемиот 5-инчен One М8 со fullHD.
Направен од премиум материјали и алуминиумска маска, што го прави убав на изглед и квалитетен на допир, HTC One Mini 2 може да биде сериозен конкурент на пластичниот iPhone 5C од кој, иако е „мини“, е всушност поголем за половина инч. One Mini има и 13 мегапиксели задна камера, и 5 мегапиксели предна камера за правење квалитетни селфи фотографии. Опремен е со BoomSound звучници, microSD слот и работи на Android 4.2 KitKat со Sense 6 интерфејс. Toa што му е единствената мана е што има послаб 1,2 GHz Snapdragon процесор со четири јадра, кој е послаб од 2,3 GHz процесорот кај поголемата верзија. Цената на One Mini 2 би била околу 300 евра.
[youtube]uFfQi7cWwOM[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
