Според тајванската новинска агенција Fokus, компанијата за паметни телефони HTC планира да купи мобилен оперативен систем и со тоа да стане конкурент со моменталните партнери Google и Microsoft. Според директор на бордот на HTC, Чер Вонг, компанијата не сака да избрзува со одлуката за купување на мобилен оперативен систем.
Откако Google ја купи Motorola Mobile, и со тоа голем број на патенти, Samsung и HTC се на некој начин приморани да разгледуваат нови оперативни системи доколку сакаат да останат конкурентни на пазарот за паметни телефони. Причината зошто HTC ја разгледува можноста за купување сопствен оперативен систем е најверојатно да го предупреди Google да не ja фаворизира Motorola кога станува збор за Android. Моментално се достапни многу малку слободни оперативни системи чиј развој е откажан од матичните компании. Меѓу најистакнатите слободни мобилни оперативни системи се WebOS и MeeGo. Samsung веќе ги демантираше шпекулациите дека планира да купи свој оперативен систем, но директорката на бордот на HTC не ја отфрла можноста компанијата да се збогати со свој мобилен оперативен систем.
Причина зошто HTC не планира да избрзува со ваква одлука е бидејќи моментално нивните паметните телефони можат да го користат било кој оперативен систем, и со тоа да бидат далеку поразлични од своите конкуренти. HTC е во можност да создава уникатни уреди кои ќе работат на различни оперативни системи, и со тоа да задоволат голем број на вкусови.
"Samsung веќе ги демантираше шпекулациите дека планира да купи свој оперативен систем" ?!
Zosto bi kupuval nesto sto veke go ima i razviva i toa uspesno go pravi ?! BADA OS e veke dovolno poznat za da go ima vo sekoj tekst na tema OS bilo kade, bilo koga !