HTC ќе објави нова верзија на својот flag-ship телефон, One M8, кој наместо на Android, ќе работи на Windows Phone oперативниот систем. Засега нема официјални детали, но има гласини на Веб дека ќе го видиме алтернативниот One М8 на настан закажан за четврток, кога HTC ќе го претстави телефонот кој е „дизајниран да предизвика љубомора, сега достапен на Android и Windows Phone“.
One M8 со Windows Phone најверојатно првин ќе се продава во САД, и ќе биде со исти перформански како Android верзијата. Има четири јадрен процесор 2.3GHz, со 2GB RAM, 32GB простор и поддршка за microSD картичка со 128GB простор. Перформансите ветуваат дека Windows Phone со Live Tiles ќе работи перфектно, иако самата платформа функционира одлично и на послаби телефони.
Телефонот ќе работи со Windows Phone 8.1, што значи дека ќе ја има и Cortana како говорен асистент. Иако HTC се гордее со својот Sense интерфејс за Android, се чини дека Windows Phone верзијата ќе нема многу поразличен интефрејс, па тајвенската компанија се посвети на креирање апликации кои ќе го подобрат корисничкото искуство.
[youtube]6Ti4aKMgnh4[/youtube]
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
