Windows 9 Threshold може да е поблиску одошто се надеваме. Microsoft планира да понуди пробна верзијата нa оперативниот систем до своите нестрпливи корисници веќе кон крајот на септември или почетокот на октомври, пишува ZDNet. Сепак нестрпливите корисници ќе треба да се обврзат дека ќе дозволат редовни надградби на оперативниот систем кои би требало да бидат достапни секој месец.
Новата верзија на оперативниот систем е закажана за првата половина на 2015 година, а како можен месец на излегување се спомнува април. Според првите најави, Windows 9 ќе биде прилагоден за корисниците кои во оперативниот систем навигираат со глувче и тастатура. Засега се шпекулира со мини Старт мени, Metro апликации во прозорци, повлекување на „Charm“ лентите, но и можна интеграција на Cortana на десктоп верзијата на оперативниот систем.
Доколку се точни првите информации кои се појавија при најавата на Threshold, Microsoft на оперативниот систем работи од крајот на април, а до конечната верзија според најавите треба да има три верзии достапни за корисниците. Првичната верзијата на Windows 9 ќе им биде јавна и достапна на сите кои се заинтересирани.
[youtube]JPmXUdLBy0A[/youtube]
