HelpMark.mе e македонска Android апликација од System4Enterprise. Сервисот има за цел да го олесни помагањето во подрачјата погодени од непогоди. Мотивација за сервисот несомнено е поплавата која го погоди скопскиот регион и лошата комуникација помеѓу локалните власти и доброволците.
Апликацијата е едноставна за користење и овозможува едноставно пријавување на локација на која е потребна помош и вид на помош која е потребна. Локацијата се добива преку GPS координати, а потоа корисникот одбира што е потребно, на пример: лекови, храна, облека и слично. Дополнително, корисникот може да остави белешка, на пример дека облеката е за три годишно дете.
Волонтерите можат да одберат некоја од локациите и да најават дека ќе задоволат некоја од потребите. Доколку успеат, маркерот се брише од мапата, доколку не успеат по 12 часа повторно се активира.
Апликацијата е засега достапна само за Android.
