Имате идеја која може да промени индустријата за патување? Тогаш Hack Horizon е вистинскиот настан за вас. Станува збор за навистина несекојдневен хакатлон кој во целост ќе се одржи во авион, додека учесниците патуваат од Хонг Конг до Лондон.
На натпреварот ќе учествуваат 32 учесници; претприемачи, инженери, развивачи, дизајнери кои во текот на три дена и прелетани 10.000 километри, ќе треба да претстават свое решение. Настанот пред сè е наменет за учесниците од Азија-Пацифик кои ќе имаат можност за платен транспорт до Хонг-Конг. Сите учесници можат да се приклучат на хакатонот, со таа разлика што ако бидат одбрани за учество сами ќе мораат да пронајдат начин да стигнат до стартната локација. Ова за ИТ.мк го потврди и претставник на Hack Horizon преку Messenger.
Настанот е поделен во три дела, кои соодветствуваат и на деновите. Во секој од овие делови учесниците ќе имаат можност да соберат податоци и да дизајнираат различни делови од решението за патување.
- Прв ден – Формирање на тимовите и почеток на креирање на прототипот. Пат кон Меѓународниот аеродром во Хонг-Конг и одмор во хотелот.
- Втор ден – Разгледување на технологијата на аеродромот, разгледување на работата на аеродромот. Комуникација и тест со патниците. Полетување.
- Трет ден – Слетување во Лондон. Комуникација со патниците и валидација на идеите.
- Четврти ден – Последен ден за завршување на прототипот и подготовки за презентации. Конечно финалистите имаат можност и за претставување пред инвеститори и претставници на новинарите, како и пред панелот на судии.
Настанот се одржува од 5 мај до 8 мај а сите заинтересирани можат да се пријават уште веднаш. Повеќе податоци за настанот на страницата на HackHorizon.
tnx до @darko156 за линкот
