Oткако ги освои авантуристите со своите уникатни и мали камери, GoPro се подготвува да се вклучи и на уште еден пазар – на пазарот на дронови. Компанијата на оваа технологија работи веќе неколку месеци, па основите на платформата се веќе подготвени, вели TechCrunch. GoPro од неодамна е сопственик на стартапот Kolor кој работи на технологијата што овозможува снимање на 360 видео. Од компанијата се надеваат дека ќе успеат да создадат производ кој со стабилизација на слика и квалитет ќе ја победи конкуренцијата.
Предноста на GoPro е што доаѓа со најверојатно најпопуларната минијатурна камера на пазарот, и со сопствени канали за споделување на уникатните видеа. Сепак како и останатите компании, и GoPro ќе мора првин да се соочи со ограничувањата и забраните за лет на беспилотните летала, иако автоматизацијата на летовите и креирање на оперативен систем за дронови значително ќе им се олесни работата.
