Project Ara, иницијативата на Motorola и еден од ретките оддели кои останаа во сопственост на Google, откако Motorola беше продадена на Lenovo може да започне со реализација, а првите модуларни телефони ќе се појават во почетокот на следната година, јавува Time. Google започнува со првите конференции за девелоперите на кои заинтересираните ќе бидат запознаени со постоечките и планирани функции на Project Ara. Конференцијата е закажана за 15-16 април и пред се е фокусирана на алфа верзијата на Ara Module Developer Kit кој е најавен за почетокот на април. Иако конференцијата е наменета за развивачи, преку веб во живо ќе можат да ја следат сите заинтересирани ентузијасти.
[youtube]zG_uwDqLsZY[/youtube]
Засега е сигурно дека првите основи (делот на кој се монтираат останатите модули) на Ara телефоните ќе доаѓа од Google, со што компанијата би го задржала развојот на овие уреди во своите раце, а ќе се овозможи и стандардизација на модулите. Првитежа верзии на телефоните ќе бидат дебели околу 10 милиметри, а модулите ќе се заклучуваат и дополнитело со помош на апликација, па корисниците нема да можат да ги извадат ненамерно или поради грешка. Хардверот нема да биде единствен дел кој корисниците ќе можат да го одберат, 3Д-принтањето ќе овозможи и „декорацијата“ на телефоните да биде целосно изменлива. Ова ќе овозможи во зависност од креативноста, секој да биде потполно задоволен од својот телефон.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
