Google продолжува да го интегрира Google+ и останатите свои сервиси во пребарувачот. Сега Google директно ги охрабрува своите Gmail корисниците да го користат Google+, со цел да им понуди лични резултати, а со тоа и објавите на Google+ и „+1“ да дојдат до израз.
Покрај тоа, Google денес во своите резултати го интегрираше и Google Drive, па во пребарувањето од десната страна ќе се прикажуваат и датотеките од вашиот Drive кои се совпаѓаат со пребарувањето.
Можноста за пребарување низ својот Google Drive и Gmail директно преку Google.com не е овозможено за секого, туку од компанијата целат кон корисниците кои го користат овој сервис на англиски. Сепак, можете да си ја пробате среќата преку g.co/searchtrial.
