„Ние не креираме автомобил, креираме возач.“, вели Димитри Долгов од Google, во интервју за Recode.
„Возењето е друштвена активност. Ова значи дека возилото не само што мора да ги препознава и луѓето и останатите објекти, туку мора и да прави интеракции, да ги разбира и да реагира на нивното однесување“
Г. Долгов објасни дека компанијата го тестира својот возач на автомобили од повеќе производители. Prius, Lexus; прототипот од Google и Fiat Chrysler се дел од возилата на кој е тестиран досега возачот на Google. Единствено што не се менува во овие тестови е софтверот. Тој постојано е ист, дополнително софтверот „комуницира“ со облакот и овозможува секое возило во флотата да биде подеднакво „паметно“.
Сите возила имаат пристап до облакот, можат да комуницираат меѓусебно и да разменуваат податоци. Ова се разбира значи и дека сајбер нападите се опасност, па не само Google, туку и останатите компании мора да се внимателни.
Она што е нејасно е дали Google во иднина планира да го нуди единствено возачот или можеби и дел од прототип возилата ќе бидат достапни во продажба.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
GDG Skopje 
