Google најави дека на Google+ корисниците наскоро ќе започнат да им се појавуваат Google+ постови во нивните резултати при пребарување. Кога некој корисник е вклучен на Google профил, без разлика дали е YouTube, Gmail, или Google+, и доколку пребарува нешто, во добиените резултати ќе му се појават белешки за линкови кои се споделени на Google+ од страна на нивните пријатели.
Добиениот резултат ја покажува само личноста која го има споделено дадениот линк, но не и коментарот што е пропратен со линкот. Оттука, дури ако вашиот пријател го постнал линкот со намера да го искритикува, на ваш повторно ќе ви се појави како предлог даден од пријател. Доколку кликнете на белешката под резултатот од пребарувањето ќе можете да го погледнете комплетниот пост споделен од вашиот пријател.
Од Google нагласија дека во резултатите од пребарувањата ќе се појавуваат само оние постови кои се јавно споделени. Секој пост кој е споделен само со одреден круг на пријатели нема да се појави во резултатите.
Ваква опција беше лансирана и од страна на Bing, веб пребарувачот на Microsoft, кој во соработка со Facebook им овозможи на оние резултати кои се лајкнати од наши пријатели да се појават повисоко при пребарување. За оваа опција да функционира, исто како и во случајот со Google, корисниците треба да бидат вклучени во Facebook.
Имплементирањето на друштвените мрежи во процесот на пребарување има за цел да ги направи полични добиените резултати. Со ова се зголемува веројатноста да кликнете на линк кој е предложен од некој ваш пријател.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
