Google ја поднови PageSpeed Insight алатката која има цел да им помогне на сопствениците на веб-страници да ги оптимизираат своите сајтови за мобилните уреди. Според последните информации со кои располага Google, средното време на вчитување на веб-страница преку мобилен трае нешто повеќе од 7 секунди. Во последниот период перформансите се намалуваат, но сепак, тоа сè уште не е доволно брзо, вели Google во новиот водич.
Желбата на Google е да го намали средното време на отварање на помалку од 1 секунда, бидејќи според истражувањето на Nielsen NGorman Group, корисниците не се спремни да чекаат многу долго за да ја прочитат саканата содржина.
Според новиот водич на Google:
- Серверот е потребно да го рендерира одговорот за 200-300ms доколку се користи 3G мрежа или 50-100ms ако се работи за 4G. Но, бидејќи 4G сè уште не е развиена низ светот, средното време за рендерирање би требало да биде 200ms
- Бројот на пренасочувања треба да биде минимизиран, бидејќи со тоа може да се додадат уште стотици милисекунди за да се прикаже одговорот.
- Бидејќи TCP врските не можaт веднаш да го користи целиот капацитет на дозволениот сообраќај помеѓу клиентската страна и серверот, серверот испраќа максимум 10 TCP пакети при поставување на нова врска, потребно е да се минимизира бројот на такви барања.
- Избегнувајте користење на надворешни JavaScript и CSS датотеки
- Резервирајте време на прелистувачот за рендерирање – Процесот на парсирање на HTML, CSS и надворешните JavaScript датотеки одзема време и троши клиентски ресурси. Во зависност од брзината на уредот и комплексноста на страницата, овој процес може да одземе стотици секунди. Предлогот на Google е да се резервираат околу 200ms за овој процес.
- Оптимизирајте го извршувањето и рендерирањето на JavaScript датотеките
Доколку сакате да тестирате и да ги видите резултатите на вашата веб страница, посетете ја страницата на алатката и направете ја анализата.
