Европската комисија го обвини Google за злоупотреба на својата доминантна положба на пазарот, а доколку не ги исполни барањата на комисијата за 12 недели, Google ќе треба да плати казна, која може да достигне до 7.4 милијарди долари.
Некои од функционалностите на Google се навистина добри, па корисниците поради ова и ги користат, но дел од можностите на оперативниот систем им се „истураат“ на корисниците, а Google ја злоупотребува својата позиција на пазарот, вели Европската комисија.
„Google креирал стратегија да ја задржи и заштити својата позиција во пребарувањето, ова е постигнато со ограничувања на производителите, но и на мобилните оператори.“
Google дозволата за користење на Android оперативниот систем кај производителите ја дава со барање за инсталирање на апликации и сервиси.
Дел од овие апликации се Google Play и YouTube, но инсталацијата на Google Play e најпроблематична, бидејќи за да може да доаѓа преинсталирана на телефонот, производителите мора да инсталираат уште 10 други апликации, помеѓу кои се:
- Google Maps,
- Google Hangouts,
- Google Chrome,
- пребарувачот и
- YouTube.
Ова важи единствено за првата инсталација, а по продажбата корисникот може како сака да го менува својот телефон.
Дополнително секој производител може да инсталира колку сака различни апликации, но апликациите на Google мораат да останат „први“.
„Оваа загриженост ја сфаќаме сериозно, но веруваме дека нашиот бизнис модел им овозможува на производителите на трошоците да бидат ниски, што овозможва поголема флексибилност. Корисниците пак имаат целосна контрола врз мобилните уреди.“, вели Google на својот блог.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Една работа во случајов не е баш објаснета како што треба. Google не дава дозвола за користење на Android како OS, поради тоа што самиот оперативен е отворен и секој може да го користи без никакви ограничувања, пример Fire OS на Amazon. Проблем настанува кога производител сака да ги вклучи затворените Google сервиси на телефонот, како што е Play Store и останатите. Тогаш важи случајот што е опишан во текстот. Исто така, проблем е и тоа што потпишан партнер на Google неможе да пушти во продажба уред со Android без GMS, што значи производителот (само потпишан партнер) е обврзан на секој уред што го продава, на кој што има некоја верзија на Android, да мора да има и Play Services и останатите апликации од bundle-от.