Google копчето +1 ќе ги покажува пријaтелите кои го кликнале

Копирајќи ја друштвеноста на копчето Like, кое овозможува Facebook да се поврзува со останатите веб сајтови и им овозможува на корисниците да потенцираат што им се допаѓа, Google на своето копче +1 додаде можност да ги покажува оние Google+ пријатели кои кликнале на него.

Со овој потег Google планира да го подобри начинот на кој пребаруваме содржини на интернет, и да го направи пребарувањето по друштвено. Целта на надградувањето на функционалноста на копчето +1 е да препораките направени од нашите пријатели да бидат повидливи. Поголема е веројатноста да се кликне на врска доколку некој од нашите пријатели веќе ја има одобрено со притискање на копчето +1. За да видиме дали некој пријател има кликнато на ова копче, сè што треба да направиме е да поминеме со курсерот над него. Доколку повеќе пријатели кои го имаат стиснати копчето, сите тие ќе се појават во листа.

Ова е само почетокот на модификациите кои ќе ги добие копчето +1, бидејќи Google сигурно ќе сака да продолжи да ги искористи можностите што може да ги понуди ова копче.