{mosimage} Data Liberation Front е тим на инжинери од Google кои работат на проект да овозможат корисниците да си ги повратат своите информации од сервисите на Google.
Ние користејќи ги онлајн сервисите, не само тие на Google, и дружејќи се преку друштвените мрежи споделуваме и закачуваме огромен број наши приватни информации, слики, детали од нашето секојдневие на сервисите. Проблемот е што тие податоци не можеме толку лесно да ги земеме и извлечеме од серверите на онлајн сервисите.
Размислете убаво… Како ќе си ги експортираме податоците од Facebook, Gmail, Google Docs? Сигурно нема да биде лесно слика по слика, текстче по тектсче да копирате oд онлајн сервисот на својот хард диск, или пак да ги пренесете на некој друг сервис. А зошто воопшто некој да ви ги зароби податоците само затоа што користите одредена услуга? Познавам корисници на MySpace чии информации се уште се заглавени во таа мрежа, тие воопшто и да не се логираат на таа мрежа, туку се на Facebook. Ако им здосади Facebook тогаш нема што да прават освен да ги остават своите приватни информации, слики и други детали на таа мрежа и да започнат да ги закачуваат на друга.
{mosimage}
Решението е лесно и едноставно извлекување на вашите податоци или со терминот на инжинерите на Google,
да си ги „ослободите“ податоците така што ќе се направи едноставна опција за експортирање на податоците.
„Веруваме дека корисниците, не продуктот се сопственици на податоците и тие треба да можат брзо и лесно да си ги земат тие податоци од продуктот без да се малтретираат. Нам ни е поважно да имаме лојални корисници кои користат Google продукти бидејќи тие се иновативни, но бидејќи корисниците се заглавени во нив“ вели Data Liberation Front, крстени по Judean People’s Front oд Life of Brian филмот на Monty Pyton.
Ако не ви се допаѓа услугата тогаш грабни и бегај, тоа е интересна опција за корисникот. Браво.
Извлекувањето на податоците е овозможено за дел од сервисите на Google, како Blogger, Gmail, Google Reader… Повеќе на блогот на Data Liberation Front, кои можете да ги следите и на Twitter на @dataliberation.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
