Ако досега се објавуваше по еден Nexus брендиран телефон годишно, отсега е можно да видиме неколку Google-брендирани телефони од разни производители, пренесува рускиот блогер Елдар Муртазин, кој има добро реноме кога се работи за шпекулации на мобилниот пазар. Nexus 5 можеби ќе биде последниот oд Nexus моделите, кои беа стартувани да го покажат најдоброто од Google и дека Android телефони можат да му конкурираат на iPhone-oт во квалитет.
Нивна замена ќе бидат Google Play Edition моделите кои се всушност софтверска модификација на најквалитетните flag-ship телефони од другите производители. Веќе има HTC One Google Play Edition, Samsung Galaxy S4 Google Play Edition и Xperia Z Ultra Google Play Edition. Овие модели не се разликуваат од стандардните модели според хардверот, туку според оригиналниот, фабрички Android оперативен систем со кој доаѓаат. Ваквата соработка со производителите му одговара на Google кој нема да мора да троши пари на промовирање на свој телефон, а истовремено ќе ја зајакне позицијата на пазарот на другите производители на Android телефони. Прашањето кое сè уште не е јасно, е дали Google Play Edition моделите ќе се продаваат поскапо од стандардните верзии?
[youtube]PwR7uvPiQyA[/youtube]
