Од 22 ноември веќе нема да можете да ја симнете Gmail апликацијата за BlackBerry уредите. Корисниците ќе можат да пристапуваат до имејл клинтот преку веб прелистувач.
„Во изминатава година, сите наши трудови беа фокусирани кон креирање на добро Gmail искуство во мобилниот прелистувач и ќе продолжиме да инвестираме во таа област.“, вели Google во соопштението со име „крај на животот на Gmail App“.
Koрисниците кои ја имаат претходно инсталирано апликацијата ќе можат да продложат да ја користат, но од 22 ноември нема да можат да ја симнат, ниту пак Google ќе ја поддржува, односно ќе престане да ја развива. Корисниците на BlackBerry ќе можат да пристапат до Gmail преку gmail.com или преку веб прелистувачот на BlackBerry.
Google ќе продолжи да го подржува Google Apps Connector за Blackberry Enterprise Server, односно сервисот кој им достапен на корисниците на Google Apps за да се овозможи пристап до апликациите од различни уреди.
