Google сака да стави крај на употребата на досегашните лозинки. Станува збор за надградба на двојната верификација USB Security Key која проверува дали страната на која се логирате е од Google или станува збор за лажна страна која ќе се обиде да ве измами и да ви ги украде вашите податоци.
Безбедносниот клуч е физички USB кој функционира како втор фактор на верификација дури откако ќе утврди дека сајтот на кој се логирате е на Google. Наместо да внесете код, само го приклучивате Security Key во USB портата на компјутерот кога Chrome ќе го побара тоа од вас. Штом се логирате на вашиот Google профил преку Chrome во безбедносниот клуч можете да бидете сигурни дека криптографскиот потпис сигнатура нема да биде цел на фишинг измама, објаснува Google.
Засега клучот функционира единствено со Google Chrome. Ова пред се е поради тоа што „Security Key“ користи U2F безбедносен протокол од FIDO Alliance кој засега не е имплементиран во останатите прелистувачи. Доколки овој протокол се имплементира на останатите прелистувачи нема да има причина Security Key да не работи насекаде.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
