Стримањето на видео и музика значително влијаеше на промените во овие две индустрии. Google имаше значајна улога и во двете, а сега во соработка со Ubisoft најавуваат нов стрим. Assassin’s Creed Odyssey ќе биде првата игра која ќе може да се игра на прелистувачот Chrome. Засега ова ќе биде првиот тест на платформата, иако платформата доаѓа без никаква најава и секако е големо изненадување.
„Работиме на Project Stream, технички тест кој треба да надмине некој од најголемите проблеми на стримањето. За тест ќе ги тестираме границите на најпроблематичните апликации за стрим, блокбастер видеоигри“, објаснува Google на својот блог.
Засега игрите ќе бидат достапни на десктоп верзијата на Chrome, а дали можеби во иднина ќе бидат достапни и на мобилната верзија е непознато. Лоша вест е дека, тестовите се во затворена бета, ограничена за жителите на САД. Заинтересираните можат да се пријават на страницата на Project Stream иако има ограничен број „места“, а ќе биде потребна и интернет врска со капацитет од 35Mbs. Со оглед на ограниченоста на местата најверојатно нема да станува збор за стрес тест туку за тест на технологијата.
„Идејата за стрим на волку графички богата содржина за која е потребна интеракција речиси веднаш помеѓу контролерот и графиката доаѓа со низа предизвици. Кога се стримаат филмови и музика, на корисниците не им пречи кратко баферирање на почетокот, но стримот на квалитетни игри бара помало доцнење кое се мери во милисекунди“
Assassin’s Creed Odyssey е вистински AAA наслов; играта делува импресивно, па ќе биде интересно да се види какви ќе бидат резултатите од првите тестови на Ubisoft и Google.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
