Google ќе остане основниот (default) пребарувач на Firefox, прелистувачот на Mozilla, и во наредниве три години. Детали од договорот не се објавени, но сигурно ќе бидат откриени во финансискиот извештај на Mozilla. Од претходниот извештај за 2010-та се открива дека Mozilla Foundation заработила 121 милиони долари од договор со Google, Microsoft и други компании. Се претпоставува дека 85 отсто од тој приход доаѓа од Google.
Ова продолжување на договорот им стави крај на шпекулациите дека Mozilla и Google се во конфликт бидејќи нивните прелистувачи се конкуренти.
„Mozilla низ годините беше вреден партнер на Google и се радуваме на продолжување на ова одлично партнерство за многу години.“, вели потпретседателот за пребарување на Google, Алан Јустес.
И двата прелистувачи, и Firefox и Chrome, држат по околу 25 отсто од пазарот на прелистувач, но прелистувачот на Google сега успеа да го надмине Firefox, станувајќи вториот најпопуларен прелистувач. Internet Explorer сè уште е најпопуларниот прелистувач, според StatCounter.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
