Google го претстави веб складиштето Google Drive

Како што беше очекувано, Google го претстави своето веб складиште Google Drive кое ќе биде интегрирано со Google Docs и ќе овозможи пристап на фајлови од било каде и преку било кој уред, вклучувајќи ги и Android и iOS уредите. Интеграцијата со Google Docs е доста кул опција бидејќи овозможува соработка и креирање на документи и презентации.

Google нуди бесплатни 5 GB, а за повеќе простор ќе се плаќа 2,5 долари месечно за 25 GB, 5 долара месечно за 100 GB и 50 долари месечно за 1 терабајт. Со надградување на Drive, се зголемува и просторот на Gmail на 25 GB.

Интересна функционалност на Google Drive е што ќе може да отвори околу 30 вида фајлови во прелистувач, без потреба да бидат симнувани или да се инсталираа дополнителен софтвер. Тука се вклучени PDF документи, видео, слики од Photoshop и други екстензии.

Google Drive ќе може да се инсталира на PC и Mac. Се креира фолдер налик на Dropbox преку кој може да се синхронизираат фајлови со веб складиштето.

[youtube]wKJ9KzGQq0w[/youtube]