Google треба да ги прикаже најдобрите резултати за вас, вели интернет пребарувачот. А се чини дека најдобрите резултатити ги вклучуваат пријателите и персонализираната содржина, бидејќи сега Google+ и целиот друштвен аспект на мрежата ќе биде споен со пребарувањето. Тоа отсекогаш беше планот, нели Google?
„Пребарувањето сè уште е лимитирано на универзумот на јавни веб страни, главно од луѓе кои никогаш не сте ги сретнале. Денес, го променуваме тоа така што го приближуваме вашиот свет, полн со луѓе и информации во пребарувањето.“, вели Google во блог пост.
[youtube]8Z9TTBxarbs[/youtube]
- Персонализирани резултати. Ова ќе значи дека сега во резултатите ќе се прикажуваат слики и постови од Google+ кои се споделени ексклузивно со вас и со вашите пријатели. Пример, ако пребарувате место за одмор ќе ви бидат прикажани слики од пријателите заедно со нивни Google+ постови кои се релевантни со тоа што го пребарувате.Тоа што е интересно е што сега во пребарувањето ќе биде вклучена содржина од Google+ и Picasа, но прашање на време е кога Google ќе ја додаде во пребарувањето и содржината од Google Docs, Calendar, Gmail, Мusic и сите свои сервиси. На крај, можно е Google да стане колку глобален интернет, толку и ваш личен пребарувач. Прашањето е можеби дали со тоа ќе ви го ограничи погледот да биде свртен само кон вашиот свет?
- Профили во пребарувањето. Ова ќе биде додадено како автоматско комплетирање на терминот кој се пребарува и во резултатите, што ќе помогне полесно да се најдат пријателите, вели Google.
- Луѓe и страници ќе бидат додадени во пребарувањето, што ќе овозможи полесно следење на нивните друштвени профили. Ова е нешто за кое што пишувавме неодамна.
Пребарувачот вели дека сега за сега нема да индексира друштвени графови од другите друштвени мрежи, пример Facebook и Twitter, и ќе функционира само доколку сте логирани на Google+.
Секако ќе постои опција на самиот пребарувач да се исклучи пребарувањето со Your World како што Google го нарекува, и да се пребарува генерички без ваши персонализирани резултати, резултати од пријателите или од веб историјата.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
>20 5 =5HB> HB> =5 =8 B@510.