Google+ доби копоче за споделување на содржина од сајтови на друштвената мрежа. Можеби сте збунети како е ова ново копче кога веќе го има +1 копчето? Разликата е во контекстот и можноста за оставање коментар.
Google+ Share се користи за споделување содржина со можност да се додаде коментар, што е различно од +1 копчето кое се користи за „лајкување“ на содржина или резултат во пребарување.
Знам дека сите ќе прашате – Дали ова копче ќе ги заинтересира корисниците да споделуваат повеќе содржина на мрежата? Одговорот е можеби не, бидејќи Google+ сè уште не е доволно забавен, но доколку имате сајт и креирате содржина тогаш не е лошо да го додадете копчето, па можеби некој од 90-те милиони корисници на Google+ ќе го искористи.
