Google полека ги преработува апликациите користејќи го Material Design. Google Maps, Gmail и Google Drive веќе ја дочекаа новата верзија, а компанијата работи и на преработка на останатите апликации и сервиси. Сепак некои корисници немаат трпение да ја дочекаат промената па дизајнираат свои алтернативни дизајни. Дизајнерот Ауриел Саломон се обиде да предвиди како ќе изгледа Google.com кога Material Design ќе пристигне на пребарувачот. Станува збор за идејно решение на дизајнерот и конечниот изглед на Google.com речиси сигурно нема да изгледа вака, но мора да признаете дека предлогот на г.Саломон изгледа одлично.
