Google откри дека брише милиони линкови од резултати од пребарувањето по барања од Microsoft, филмските студија, музичката индустрија и други кои држат авторски права.
Во новата секција на Google Transparency Report е прикажана целата статистика од барањата и бришењата на линкови. Неверојатно, но статистиката вели дека гигантот неделно добива по 250.000 барања за тргање на линкови од околу 24.000 различни сајтови, што е поголема бројка од вкупните барања за бришење за цела 2009-та година.
„Борбата против онлајн пиратеријата е многу важна, и не сакаме да прикажуваме резултати во пребарувањето кои ги водат корисниците кон нелегална содржина.”, вели Google. Но, од друга страна сакаме да бидеме транспарентни за процесот така да корисниците и истражувачите разберат каква содржина се трга од нашите резултати и зошто.“
Во извештајот за тргнати линкови се вклучени само барањата за Google Search, но не и тие поврзани со YouTube или Blogger.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
