Збогум глупави, здодевни и бескорисни „download“ копчиња кои не водат никаде. Google започнува со блокирање на вебсајтовите кои имаат лажни копчиња за преземање на содржина.
За волја на вистината дел од овие страни имаат и вистински копчиња за преземање на содржини, но за разлика од огромните копчиња кои ве носат на сосем различно место, вистинските линкови за преземање на содржина се малечки и затскриени. На Google му здодеа од оваа пракса и сите веб сајтови кои го практикуваат ова ќе добијат, најверојатно уште поздодевно известување кое ќе ги извести корисниците дека сајтот практикува „трикови кои сакаат да ве наведат да направите нешто што не сакате како: инсталација на софтвер или да дојдат до телефонскиот број, лозинка и податоци за кредитната картичка“.
Дел од легитимните страници кои нудат софтвер како CNet или Sourceforge кои имаат лажни копчиња за преземање ќе бидат опфатени со забранaта, јави Ars Technica.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
