{mosimage} Google и Fаcebook стартуваа сервиси за кратење на линковите. Знаете наместо цела УРЛ адреса како http://it.com.mk/index.php/Vesti/Internet/Goo.gl-i-FB.me, имате краток линк како http://0.mk/skrateno. Овие сервиси за кратење линкови станаа популарни со зголемениот интерес на Twitter каде во простор ограничен на 140 карактери, не можете да си дозволите линкот да ви земе поповина од тоа.
Исто важи за сурфање преку мобилен телефон. Не сакате на малиот екран да имате огромен линк. Според InsideFacebook, друштвената мрежа започнала со автоматско кратење на линковите за мобилните телефони. Скратените линкови се појавуваат и на Twitter.
Исто така fb.me линковите се достапни како замена за линк до профилот. Наместо facebook.com/ITcommk може да се користи fb.me/Itcommk.
И Google стартуваше сервис за скратени линкови – Goo.gl , но само за корисниците на Google Toolbar и FeedBurner. Според инжинерите на Google, доколку сервисот се покаже како успешен, ќе биде изработена и верзија за пошироката публика.
{mosimage}
Во меѓувреме, Bit.ly еден од најпопуларните сервиси за кратење линкови објави Pro сервис – кратење линкови со персонализирана адреса и статистичка алатка за преглед на линковите. Конкуренцијата носи иновации, нели?
Што се однесува до 0.mk, македонскиот сервис за кратење линкови, сервисот се уште е одличен и краток.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
