Сите мејлови од Нигерија одат во спам фолдерот, така? Сега веќе нема потреба да претпоставуваме зошто спамот е спам бидејќи Gmail сега ќе објаснува зошто пораките се обележани како злонамерно, непотребно ѓубре, доколку ве интересира.
Првичното објаснување ќе биде кратко, пример „линкот во пораката води до вирус“, или пак ќе ви каже дека претходните добиени мејлови од одреден корисник сте ги ставале во спам, или бидејќи пораката е слична со претходни мејлови кои им се познати на филтрите за спам. Но, ќе има и линк доколку сакате да откриете нешто повеќе.
„Се надеваме дека ова нема да биде само интересно, туку ќе ви помогне да научите за измамите и за другите злонамерни пораки кои Gmail ги филтрира.“, вели Google во блог пост.
