Во Германија објавите на друштвените мрежи можат да донесат сериозни законски последици. Германската полиција направи рација во 36 домови поради постови на друштвените мрежи. Рацијата кај овие граѓани е поради закани, принуди и потикнување на омраза.
Најголем дел од рациите се кај граѓани обвинети за десен-екстремизам, само двајца се обвинети за лев-екстремизам.
Германија е најверојатно е државата која е најсериозна кога говорот на омраза е во прашање. Кога друштвените мрежи се во прашање, Facebook, Twitter и Google мора да ги избришат сите објави кои ја надминуваат слободата на говор во перод од 24 часа. Со ова Германија го има најригорозниот закон во Европа. Чекор понатаму, во Германија има јавна дебата за нов закон кој ќе овозможи побрзо пронаоѓање на прекршителите, јави New York Times.
Според германски владини агенции, најголемата друштвена мрежа избришала во предвидениот период од 24 часа само 39% од објавите. Ако оваа статистика изгледа лошо, Twitter избришал само 1%. Доколку бидат потврдени измените, друштвените мрежи за оваа пракса можат да бидат казнети со 50 милиони евра.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
