Друштвената мрежа не смее да користи податоци од Instagram и WhatsApp ако нема добиена директна дозвола од корисниците. Забраната доаѓа од германската агенција за заштита на конкуренцијата на пазарот, Bundeskartellamt.
Поточно регулаторот разгледуваше два дела. Првиот заклучок е дека WhatsApp и Instagram може да собираат податоци. Во продолжение се наведува дека овие податоци не смеат да се комбинираат со податоците на корисникот на Facebook, без дозвола со корисникот. Истото важи и за комбинирање на податоци од корисниците од било кои други сервиси. Дополнително, обично штиклирање како дозвола за споделување податоци, нема да биде доволно.
Ова важи единствено за Германија, иако изгледа неверојатно дека наскоро праксата нема да се прелие и надвор од Германија, вели BBC.
Друштвената мрежа веднаш вложи жалба на оваа одлука. Facebook вели дека одлуката доаѓа од ненадлежна агенција, со оглед на тоа дека немаат монопол. Повторно повторија дека имаат конкуренција во YouTube, Snapchat и Twitter. Додавајќи дека 40% од корисниците на друштвени мрежи во Германија не користат Facebook.
Секако сè ова беше проследено со објаснувањата дека овие податоци се клучни за подобрување на платформите и за поголема безбедност на корисниците. Иако во својот блог не напишаa, веројатно главна причина за собирање ни сите податоци се рекламите и секако за презентирање на податоци за релевантноста за рекламирање на друштвената мрежа.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
