Оние кои сакаат поинтимно да се запознаат со оперативниот систем и да извршат одредени поефикасни промени, би требало да ја проверат најновата верзија на Windows со Ultimate Windows Tweaker.
Windows со Ultimate Windows Tweaker е исклучително мал програм за Windows 10 кој крие над 200 можни твикови во категории како прилагодување, кориснички акаунти, перформанси, безбедност и приватност, Internet Explorer, и контекст мени. Категоријата Additional е резервирана за сè што логички не би можело да се смести во претходните категории.
Со оглед на огромната бројка и комплексноста која се крие кај одредени прилагодувања, играњето со оваа алатка не се препорачува на почетниците и потребно е да ѝ пристапите со одредена доза внимателност. За секој од понудените твикови имате објаснување до кое доаѓате така што ќе застанете со стрелката на соодветниот твик. Во случај да го селектирате и да кликнете на Apply, акцијата ќе стапи на сила. Од голема користи е и страната System Information. Тука можете да дознаете бројни работи за вашето PC, како и да извршите одредени проценки.
Најновата 4.5 верзија на алатката конечно воведува поддршка за Windows 10 1809 (октомвриското надополнување). Паралелно со ова, ги радува корисниците со неколку нови твикови, како и бројни подобрувања во перформансите.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
Многу е добар туторијалот од Youtube, браво.
Го пратив постов на моите.