General Motors ќе биде првиот производител на автомобили кој ќе го додаде говорниот асистент на Apple во новите Chevrolet Spark и Sonic модели. BMW, Toyota, Mercedes, Honda и Audi веќе најавија дека и тие ќе го интегрираат Siri во своите електронски системи.
Интеграцијата е всушност додавање на копче на воланите преку кое може да се пристапи до говорната апликација. Ова е побезбеден начин за разговарање со Siri од тој да се тргне погледот од патот, или рацете од воланот за да се кликне на телефонот. Поврзувањето на Siri во стандардниот MyLink систем на Chevrolet моделите се прави преку Bluetooth врска.
Во моментов само корисниците на iPhone 4S и iPhone 5, нема информации за поддршка за iPаd, ќе можат да го користат Еyes Free модот за да комуницираат со Siri без да се вклучи (осветли) екранот на телефонот. Преку овoj мод на Chevrolet, корисниците, т.е. возачите, ќе можат да повикуваат броеви преку Siri, да пуштаат песни или да склопуваат пораки само со говор, и со две раце на воланот.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
