Македонската еспорт асоцијација нè повикува на нов онлајн настан – гејминг викенд. Претстојниов викенд Македонската еспорт асоцијација организира натпреварувања во три игри. Учесниците ќе се натпреваруваат во:
- популарната Dota 2 со натпреварување 1 против 1 (сабота – 15.08);
- мобилната игра и интернационална сензација Clash Royale (недела – 16.08) и
- турнир во шах (понеделник – 17.08), кој со помош на интернетот во последниот период повторно се враќа со огромна популарност.
Натпревари и овој гејминг викенд ќе се одржат онлајн со цел помагање во борбата против нашата нова реалност, пандемијата Ковид-19. Сите натпревари помеѓу играчите ќе бидат пренесени во живо на најголемата интернет платформа за стриминг Twitch.tv, односно на Twitch.tv/mesa_esports
„Сите заинтересирани заедно да ги проследиме овие турнири кои се дел од Gaming Weekend, како и секогаш не очекува забавна дружба со гејминг заедницата и одлично натпреварување помеѓу играчите“, велат од МеСА.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
