Денеска, FPS игрите се вистински графички и механички спектакл. Модерниот гејмер може целосно да биде размазен со eye-candy и веродостојни анимации, визуелни ефекти, како и бројни начини за уништување на непријателите. Gastro Force е сосема спротивното од ова и е замислена за сите носталгичари кои сакаат да се присетат како FPS игрите изледаа на самиот почеток, кога првата DOOM и Wolfenstein го доминираа светот со лоша пикселизација, несмасно движење и едноставна акција.
Несопирлива сила
Играјќи како војник кој припаѓа на елитната група Gastro Force, имате за задача да се инфилтрирате зад непријателските линии на вонземјаните, да поставите бомба и целосно да ги пеплосате. Низ триесетте стази ве предизвикува легија од разнолики непријатели и босови. За среќа, имате на располагање бројни оружја. Почнувајќи од едноставна цевка, движејќи се преку сачмарка и SMG, па завршувајќи некаде со ракетни фрлачи, ќе ставите крај на сѐ што ќе се осмели да ве предизвика.
И покрај тоа што Gastro Force влече силна визуелна и гејмплеј инспирација од пионирите на FPS жанрот, движењето е изненадувачки флуидно и задоволително, а и бевме пријатно импресионирани од начинот на кој можете да ги избегнувате куршумите со нагло поместување на една или друга страна при што брзината се зголемува, а периферијата се заматува.
Од друга страна, со копчето Tab се прикажува мапата која уредно сигнализира истражени и неистражени места, водејќи ве сигурно до целта, поништуваќи ги сите шанси да бидете изгубени во лавиринтот од ходници. Низ стазите земате кутии за здравје, штит и муниција, а понатаму ви се отвораат и можности за надградба на оружјата.
Секое споредување на Gastro Force со модерните шутери е нефер затоа што фановите на модерните шутери не се таргет публиката за овој old-school shooter. Но, доколку сакате ретро инспирирани шутери од раните деведесети години, со едноставни дизајни на стазите, разнолики, но ограничени непријатели/ босови и генерична музичка подлога, тогаш Gastro Force е игра која би можела да ве заинтригира и да ви понуди релативно забавно попладне.
Повеќе детали за играта
- Произведува: Somepx, Fernando Araujo
- Издава: Ratalaika Games S.L.
- Жанр: FPS, ретро, old-school
- Платформа: Windows, конзоли
- Излезена на: 1 септември 2023
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
