Futuremark работи на тест платформа за уредите за виртуелна реалност. VRMark ќе биде бенчмарк алатка за тестирање на можностите на Oculus Rift, Project Morpheus, но и куп други уреди за виртуелна реалност кои се во различни фази на развој.
Како и остантите слични алатки и VRMark ќе овозможува анализа, споредба и мерење на перформансите на различните уреди. Покрај видеоигрите алатката ќе овозможува мерење и при процесирање на слики, видео или симулации, јави The Next Web. Освен овие параметри VRMark ќе мери и дел од податоците кои се специфични за овие уреди, доцнењето и брзината на реакција се дел од нив, а премногу доцнење може да биде клучно за неуспех, бидејќи ќе предизвика морска болест кај корисниците.
Futuremark кој се креатории на 3DMark и PCMark се надеваат дека нивната иницијатива ќе овозможи стандарди, преку кои здравјето на корисниците, безбедноста и искуството додека играат, ќе бидат заштитени.
