Белгиска комисија за приватност започна судски спор против Facebook, обвинувајќи ја мрежата дека не се грижи доволно за приватноста на корисниците. Можноста за следење на корисниците преку Share и Like копчињата е главната причина за судскиот спор.
Share и Like копчињата кои се вгнездени во речиси сите популарни сајтови и овозможува следење на корисниците дури и доколку во моментот не се логирани на Facebook, па дури и доколку одберат да не споделуваат податоци. Ваквото однесување е неприфатливо и судските власти започнуваат спор против најголемата друштвена мрежа.
Судскиот спор официјално започнува во четврток, иако комисијата одамна вложи жалба за однесувањето на социјалната мрежа. Официјалното објаснување од Facebook беше дека станува збор за пропуст кој овозможува следење на корисниците и дека веќе работат на негово отстранување.
Сепак се чини дека на законодавците во Европа им е преку глава од однесувањето на големите компании, па по Google и решија да се „пресметаат“ и со Facebook. приватноста на корисниците е од исклучителна важност па комисијата освен што започна спор во Белгија, ги предаде своите наоди и до судовите во Ирска и САД. Со оглед на тоа дека агенцијата соработува со Холандија, Франција, Германија и Шпанија, веројатно е дека судски спорови ќе започнат во повеќе држави.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
[…] што се очекуваше, пресудата против Facebook од белгискиот суд предизвика реакција и […]
[…] помага за потврда на идентитетот на корисниците, но судот не е убеден и инсистира дека заштитата на корисниците мора да […]
[…] кога корисникот ќе притисни на Like копче на некој сајт, да биде следен. Facebook ги следи и корисниците кои немаат профили на […]