NapNok Games 
PlayStation видеоиграта на NapNok, „Frantics“ е номинирана за BAFTA награда. Ова е големо признание и за македонската канцеларија на компанијата. Еден од основачите на компанијата е Дајана Димовска.
Frantics е номинирана во категорија „Најдобра детска игра“. Ова е првата игра на Napnok на која работеше и македонската канцеларија. На играта две години работеа седумдесеттина артисти, дизајнери, програмери и тестери.
Станува збор за „party“-игра која на максимум четири играчи им овозможува забава преку повеќе мини игри. Ѕвезда на играта е лошата лисица, која е тука да го зголеми ривалството. Frantics е игра која е наменета за сите, без разлика дали се љубители на видеоигри или не. Играта е компетитивна, но не се потребни специфични вештини да ја играте, па ќе биде одлична на забавите.
Заедно со Frantics во оваа категорија се номинирани и: Everybody’s Golf, ClapHanz; Knack 2, Sony Japan Studio; Mario + Rabbids Kingdom Battle, Ubisoft.
Стани премиум член и доби пристап до сите содржини, специјален попуст на над 2.200 производи во ИТ маркет, верификуван профил и можност за огласување на ИТ Огласник. Плус ќе го поддржиш медиумот кој го градиме цели 16 години!
Доколку веќе имаш премиум членство, најави се тука.
